Ցանց Վոլտեր

Վաշինգտոնը շարունակ մանևրում է Սիրիայում և Ժնևում

Այն ժամանակ, երբ Ժնևում բանակցություններ են ընթանում, Վաշինգտոնը ռազմական նոր գործողություն-ներ է նախապատրաստում Սիրիայի նկատմամբ: Անկախ իրադարձությունների հետագա զարգացումնե-րից, Վաշինգտոնը կփորձի որևէ կերպ առաջ մղել իր խաղազինվորներին: Վաշինգտոնի համար պատերազմը ոչ մի վտանգ չի ներկայացնում, մինչդեռ սիրացիները վճարում են իրենց կյանքերի գնով: Ժամանակ շահելու նպատակով «ընդդիմությունը» դիվանագետներին մի Հռչակագիր է ներկայացրել: Փոխհամաձայնեցված հռետորաբանության հետևում Վաշինգտոնն առնվազն երեք ծուղակ է թաքցնում, ինչը մեզ համար կմանրամասնի Տիերրի Մեյսանը:

| Դամասկոս (Սիրիա)
+
JPEG - 15.6 ko

Ժնև 2 Համաժողովի երկրորդ փուլը մեկնարկեց առաջինից բավականաչափ տարբերվող տոնայնությամբ: Դեսպան Ռոբերտ Ս. Ֆորդն այլևս «ընդդիմության» պատվիրակության պատասխանատուն չէ և դեռևս որևէ տեղեկություն չկա, թե ով է լինելու Սիրիայի հարցում Վաշինգտոնի պատասխանատուն: Ով էլ որ լինի, «ընդդիմության» պատվիրակությունը ժամանել է՝ իր ձեռքի տակ ունենալով «Հիմնարար սկզբունքների վերաբերյալ հռչակագիր», որի նպատակն է վերադառնալ Դամասկոս, ծուղակ, ինչն առաջին նստաշրջանի ժամանակ պահանջում էր Վալիդ Մուալլեմը: Դամասկոսը խոսում է ահաբեկչության դեմ պայքարի մասին, իսկ «ընդդիմությունը» պատասխանում Անցումային կառավարության կառուցվածքի և դրա առաքելության մանրամասն նկարագրության մասին:

Առաջին նստաշրջանի ժամանակ այս ամենն այնքան լավ խաղարկվեց, որ պարոն Մուալլեմն անգամ դիմեց Սիրիայի ներքին հանրությանը, նաև արաբական աշխարհին, սակայն ոչ Արևմուտքին: Եթե նա ցանկանար դիմել նրանց, ապա ահաբեկչության դեմ պայքարելու համար պետք է հիմնվեր միջազգային իրավունքի վրա: Սակայն, փորձելով նախևառաջ ամրապնդել Դամասկոսի լեգիտիմությունը, նա փորձեց ապացուցել «ընդդիմության» կողմից սատարվող ջիհադիստների կողմից իրականացված հանցանքները և Ջոն Քերիի գաղութացման նկրտումները:

Միացյալ Նահանգներն «ընդդիմությանը» տրամադրեցին մի Հռչակագիր, որը հիմնված է ՄԱԿ-ի Անվտանգության Խորհրդի և Ժնև 1-ի վերջնական հայտարարության վրա, այսինքն խաղաղության համաժողովի հովանավոր բոլոր երկրների կողմից հավանության արժանացած տեքստերի վրա:

Այս Հռչակագիրը նախևառաջ նկարագրում է, թե ինչպիսին պետք է լինի այդ Կառույցը: Անշուշտ այն կլինի չեզոք, իր մեջ կներառի սիրիական հասարակության բոլոր տարրերը, կլինի խաղաղասեր, այսինքն վերջ կդնի պատերազմին և կերաշխավորի երկրի տարածքային ամբողջականությունը: Դրա շնորհիվ այնպիսի մթնոլորտ կստեղծվի, որը Սիրիայի բնակչությանը հնարավորություն կտա ինքնուրույն մշակել սեփական սահմանադրությունը և ընտրել իր հաստատությունները:

Այս Հռչակագրի առաջին խնդիրն այն է, որ այն գործնականում դեմ է արտահայտվում զինված խմբավորում-ներին: Այն ժամանակ, երբ Ազգային կոալիցիան հանդես է գալիս հրաշալի ժողովրդավարական հռետորաբանությամբ, Սիրիայում կռվող զինված խմբերը չեն դադարում կեղեքել փոքրամասնություններին և հասարակությանը սալաֆիստական գաղափարներ պարտադրել: Անկասկած, այս զինված խմբավորումների մեծամասնությունը չի ընդունում Կոալիցիայի գերիշխանությունը:

Վերջին հաշվով, ճգնաժամի սկզբից բոլորն էլ տեսնում են այս երեսպաշտությունը. Սիրիայում ժողովրդավարության ջատագով հռետորները Ծոցի բացարձակ միապետությունների դիկտատորներն են:

Հռչակագրի երկրորդ խնդիրը Կառավարական մարմնի հաստատման ձևն է: Վաշինգտոնը, ինչպես այլ երկրներում, այստեղ էլ ցանկանում է պարտադրանքի միջոցով այն ընդունելի դարձնել: Վաշինգտոնը Ժնև 2-ը նույնն է, ինչ Բոնի համաժողովը Աֆղանստանի պարագայում. գերտերություններն իրար մեջ կբանակցեն և կնշանակեն սիրիական Քարզային: Դամասկոսը չի դադարում հղում կատարել Ժնև 1-ի վերջնական հայտարարությանը, ըստ որի «Սիրիայի ժողովուրդն ինքնուրույն պետք է որոշի իր երկրի ապագան»: Հետևաբար, ոչ միայն նոր սահմանադրությունը պետք է ընդունվի հանրաքվեի արդյունքում, այլև Ժնև 2-ի արդյունքը կարող է կյանքի կոչվել միմիայն նախագահ էլ-Ասսադի կողմից վավերացվելուց հետո:

Իրականում այս հղումն արտացոլում է «ընդդիմության» պատվիրակության լեգիտիմությունը: Ինչպես Համաժողովի բացման իր հայտարարության մեջ նշել էր Սերգեյ Լավրովը, «ընդդիմության» ներկայիս կազմը հակասում է Ժնև 1-ի վերջնական հայտարարությանը: Այն նախատեսում էր, որ «գործընթացը պետք է ամբողջությամբ բաց լինի, որպեսզի սիրիական հասարակության բոլոր խմբերը կարողանան արտահայտել իրենց տեսակետն անցումային քաղաքականության կարգավորման մշակման գործընթացում»: «Ընդդիմության» պատվիրակությունը կազմված է միայն Ազգային կոալիցիայից, որին անգամ իր անդամների մեծ մասն է քննադատում:

Հռչակագրի երրորդ խնդիրն այն է, որ Վաշինգտոնի համար այն հնարավորություն է ընձեռում «գունավոր հեղափոխություն» կազմակերպելով՝ սերբական ձևով իշխանափոխություն իրականացնել: Կոսովոյի պատերազմն ավարտվեց Սերբիայում կայացած ընտրություններից հետո հաստատված հրադադարով: Հմտորեն կազմակերպված հոգեբանական քարոզչությամբ ԿՀՎ-ն օգնեց ընտրվել պրո-ամերիկյան թեկնածուին: Այնուհետև մարդկության դեմ կատարված հանցագործությունների համար ձերբակալվեց և Հաագայի արդարադատության միջազգային դատարանին հանձնվեց Սլոբոդան Միլոշևիչը: Երկու տարվա ընթացքում դատարանն այդպես էլ որևէ մեղադրական ապացույց չգտավ, իսկ Միլոշևիչը սպանվեց իր խցում: Արդյունքում սերբերը անիմաստ կռվեցին, կորցրեցին Կոսովոն և ներկայումս կառավարվում են իրենց իսկ ռմբակոծած ուժերի կողմից:

Հռչակագիրը ներառում է մի տարօրինակ հակասություն. Այն հաստատում է, որ ՄԱԿ-ն անցումային գործընթացի սկզբից պետք է իր ներկայությունն ապահովի երկրի ողջ տարածքով մեկ: Նշվում է նաև, որ ողջ գործընթացի հսկողությունը պետք է հանձնվի «միջազգային քաղաքացիական հասարակության անկախ կազմակերպություններին»: Արևելյան և Արևմտյան Եվրոպայում այս կազմակերպություններին անվանում են Fredoom House, Open Society Foundation et National Endowment for Democracy (NED): Առաջինը պատմականորեն կապված է ԱՄՆ-ի և Իսրայելի հետ, երկրորդը ղեկավարվում է սպեկուլյանտ Ջորջ Սորոսի կողմից և ծառայում ԱՄՆ-ի և Իսրայելի շահերին, իսկ երրորդն անգամ ասոցացիա էլ չէ, այն ամերիկյան, բրիտանական և ավստրալական կառավարությունների համատեղ կառույց է, որը ստեղծվել է նախագահ Դոնալդ Ռեյգանի նախաձեռնությամբ, որպեսզի 70-ական թվականների սկանդալներից հետո երկարաձգի ԿՀՎ-ի աշխատանքը: Այս կազմակերպություններն ամենուր միլիարդավոր դոլարներ են բաշխում՝ իշխող դասակարգերին կաշառելու և պետություններ գնելու համար:

2011 թվականի հուլիսին, Վաշինգտոնը կանադական պաշտոնական պատվիրակություն ուղարկեց Լիբիա՝ սերբական լուծման տարբերակ առաջարկելու նպատակով. անցումային փուլին հաջորդող հրադադարի ընթացքում «միջազգային քաղաքացիական հասարակության անկախ կազմակերպությունները» պետք է տարածվեին երկրի ողջ տարածքում: Մուամար Քադաֆիի մերժումից հետո, ՆԱՏՕ-ն որոշում կայացրեց դիմել ուժի կիրառմանը:

Հռչակագիրը նախատեսում է նաև, որ Անցումային կառավարության մարմինը պետք է այնպիսի մեխանիզմներ հաստատի, որոնք հնարավորություն կտան պատասխանատվության ենթարկել «Մարդու իրավունքների և Միջազգային իրավունքի խախտում կատարած անձանց»: Այս նախադասությունն ուղղված է նախագահ էլ-Ասսադին մարդկության դեմ կատարած հանցագործությունների մեջ մեղադրելուն և Հաագայի արդարադատության միջազգային դատարանին հանձնելուն: Ինչպես Միլոշևիչի դեպքում, այս գործընթացը նույնպես կավարտվի բանտախցում նրա մահվամբ: Կասկածից վեր է, որ Վաշինգտոնի թեկնա-ծուները կհաղթեն ընտրություններում, իսկ նախագահ էլ-Ասսադը խաղից դուրս կմնա և ամերիկյան կեղծ կազմակերպությունները կտարածվեն երկրով մեկ:

Թերևս շատ բան կա Ժնևում քննարկելու: Այս ընթացքում նախագահ Օբաման Կալիֆորնիայում հյուրընկալել է Հորդանանի թագավորին: Նրանք համաձայնության են եկել, որ կազմավորման փուլում գտնվող Հորդանանի բանակը պետք է հարձակվի Սիրիայի վրա: Պատերազմը Վաշինգտոնի կողմից ծրագրվել է իրականացնել մինչև 2014 թվականի սեպտեմբերի 30-ը: 7 ամսվա ընթացքում «ընդդիմությունը» կփորձի բեկում մտցնել պատերազմի մեջ և իր ենթակայության տակ վերցնել երկրի Հյուսիսը՝ այնտեղ ժամանակավոր կառավարության նստավայր հաստատելով: Միշտ էլ ավելի լավ է միառժամանակ երկու ծրագիր իրականացնել:

Թարգմանություն
Արեգ Մանասյան

Աղբյուր
Al-Watan (Սիրիա)

Տիերի Մեյսանի

Տիերի Մեյսանի Ֆրանսիացի մտավորական, Վոլտեր ցանցի և Axis for Peace կոնֆերանսի հիմնադիր-նախագահ: Ֆրանսերեն վերջին աշխատությունը` Սարսափելի սուտ: Հատոր 2, Աճպարություններ և ապատեղեկատվություն (Հրատարակությունը Ժ.Պ.Բերտանի, 2007 թվ.)

 
Աշխարհում մեծ շրջադարձի սկիզբը
Աշխարհում մեծ շրջադարձի սկիզբը
Ռուսական ռազմավարությունն ընդդեմ անգլո-սաքսոնյան իմպերիալիզմի
 
Ցանց Վոլտեր

Վոլտեր, Միջազգային հրատարակություն

Creative Commons-ի կողմից արտոնագրված հոդվածներ

Դուք կարող եք ազատ կերպով օգտվել Վոլտեր Ցանցի հոդվածներից` սկզբնաղբյուրը նշելու, հոդվածները փոփոխությունների չենթարկելու եւ կոմերցիոն նպատակներով չօգտագործելու պայմանով: (արտոնագիր CC-BY-NC-ND)

Աջակցել Վոլտեր Ցանցին

Օգտվելով այս կայքից դուք կգտնեք բարձրորակ վերլուծություններ, որոնք կօգնեն ձեզ աշխարհի մասին ձեր պատկերացումները կազմելու հարցում: Այս կայքը կարող է գոյություն ունենալ միմիայն ձեր ֆինանսական օժանդակության շնորհիվ:
Կատարեք մեզ ձեր նվիրատվությունը

Ինչպես մասնակցել Վոլտեր Ցանցին

Ցանցի բոլոր ներկայացուցիչները կամավորներ են:
- Արհեստավարժ թարգմանիչներ: Դուք կարող եք մասնակցել հոդվածների թարգմանությանը:

Սաուդյան Արաբիայի կտրուկ շրջադարձը
Սաուդյան Արաբիայի կտրուկ շրջադարձը
ըստ Տիերի Մեյսանի, Ցանց Վոլտեր
 
Աշխարհում մեծ շրջադարձի սկիզբը
Ռուսական ռազմավարությունն ընդդեմ անգլո-սաքսոնյան իմպերիալիզմի
Աշխարհում մեծ շրջադարձի սկիզբը
ըստ Տիերի Մեյսանի, Ցանց Վոլտեր
 
Լևանում գազային պատերազմի ընդլայնումը
Լևանում գազային պատերազմի ընդլայնումը
ըստ Տիերի Մեյսանի, Ցանց Վոլտեր
 
«Քուրդիստանի» իսրայելական տարբերակը
«Քուրդիստանի» իսրայելական տարբերակը
ըստ Տիերի Մեյսանի, Ցանց Վոլտեր
 
Քուրդիստանը և Խալիֆաթը
Քուրդիստանը և Խալիֆաթը
ըստ Տիերի Մեյսանի, Ցանց Վոլտեր
 
Իրաքից հետո որն է լինելու հաջորդ թիրախը
Իրաքից հետո որն է լինելու հաջորդ թիրախը
ըստ Տիերի Մեյսանի, Ցանց Վոլտեր