Ցանց Վոլտեր

Նեմմուշի գործը և ատլանտյան գաղտնի ծառայությունները

Արևմտյան մամուլը 2014 թվականի մայիսի 24-ին Բրյուսելի Հրեական թանգարանում կատարված սպանության պատասխանատու է համարում ֆրանս-ալժիրյան ծագում ունեցող ջիհադիստ Մեհդի Նեմմուշին: Նրա ձերբակալումը Եվրոպայում իսլամատյացության ալիք է բարձրացրել: Սակայն, ըստ Տիերրի Մեյսանի այս գործը որևէ կապ չունի ո´չ իսլամատյացության, ո´չ էլ ահաբեկչության հետ: Մեհդի Նեմմուշն աշխատում է պետական գաղտնի ծառայության համար և սպանել է իսրայելական երկու գործակալների: Հեռու մնալով վերջինիս մեղադրելով քաղաքական շահ հետապնդելուց, որին ներկայացնում են որպես Սիրիայից հետ վերադարձած ահաբեկչի, մեր հեղինակը փորձում է պատասխանը գտնել ջիհադիստներին ատլանտյան գաղտնի ծառայություններում ներգրավվելու՝ Վաշինգտոնի ռազմավարության նոր շրջանակի մեջ:

+
JPEG - 23.1 ko
Մեհդի Նեմմուշ (Mehdi Nemmouche)

Միացյալ Նահանգների ռազմավարության վերակողմնորոշումը լի է տարակուսանքով: Մայիսի 28-ին նախագահ Օբաման կարծես թե հետաձգեց Ռուսաստանի և Չինաստանի հետ ռազմական դիմակայությունը և ահաբեկիչները բնորոշվեցին որպես գլխավոր թշնամներ [1]: Այս հռետորաբանությունը վերադարձ է դեպի Սեպտեմբերի 11-ի մեկնարկային իրավիճակին, երբ Ջորջ Բուշը հայտարարում էր «ահաբեկչության» դեմ «անվերջ պատերազմի» մասին և սկսում «խաչակրաց» նոր արշավանք:

Դրանից մի քանի օր առաջ՝ մայիսի 24-ին, երեք հոգի սպանվել էին Բրյուսելի Հրեական թանգարանում: Սպանությունը եվրոպական մամուլի կողմից ներկայացվեց որպես հակասեմիտական քայլ:

Մայիսի 30-ին ֆրանսիացի մաքսային ծառայողները Մարսելի երկաթուղային կայարանում հերթական ստուգման ժամանակ, ինչպես որ դա ներկայացվել էր, ձերբակալել էին մի երիտասարդի, ում մոտ հայտնաբերված զենքը կարող է կիրառված լինել Բրյուսելում: Կասկածյալը՝ Մեհդի Նեմմուշը, բազմաթիվ անգամ ձերբակալված մանր հանցագործ է: Նա Իրաքի և Լևանի իսլամական էմիրության (ÉIIL կամ « Daesh ») կազմում մեկ տարի կռվել է Սիրիայի Արաբական Հանրապետության դեմ, որը համարվում է Ալ-Քաիդայի ամենադաժան ճյուղը: Նա հակաահաբեկչական օրենքի շրջանակներում վերջինս չորս օր գտնվել է ձերբակալման մեջ՝ հրաժարվելով պատասխանել քննիչների հարցերին: Եվրոպական մամուլը նրա դեպքը համեմատում է մեկ այլ ալիժրյան ծագում ունեցող հանցագործ Մուհամմեդ Մերայի (Mohammed Merah) դեպքի հետ, ով նույնպես իսլամացվել է բանտում և ջիհադիստ է եղել Աֆղանստանում, որը 2012 թվականի մարտին Թուլուզում և Մոնտուբանում իրականացրել է հակասեմիթական ոճրագործություններ:

Մուհամմեդ Մերան ձերբակալվել էր ոստիկանության հատուկ ստորաբաժանման անդամի կողմից, ով ո´չ վկայություններ էր տվել, ո´չ էլ դատապարտվել: Ավելի ուշ պարզ է դարձել, որ նա աշխատում էր ֆրանսիական ներքին գաղտնի ծառայությունների համար: Հնարավորություն չի եղել պարզել, արդյոք գաղտնի ծառայությունները մասնակցություն ունեցել են թե ոչ նրա կողմից կատարված հանցագործություններում:

Կարելի է մտածել, որ Միացյալ Նահանգների ռազմավարական վերակողմնորոշումը չէր կարող հանգել Ջորջ Բուշի հակա-մահմեդական հերյուրանքներին: Այնինչ, Մեհդի Նեմմուշի ձերբակալության պահից սկսած լրատվամիջոցների ֆորումները հեղեղվեցին իսլամատյացության հաղորդագրություններով: Համացանցի օգտատերերը մահմեդական կրոնը նկարագրում էին որպես ինքնին ահաբեկչության և հակասեմիտության կրողի: Բավարար էր ուստի ներկայացնել այս կասկածյալին որպես «իսլամիստ ահաբեկչի», որպեսզի նման բնորոշումներ ի հայտ գան, մասնավորապես Ազգային ճակատի (Front national) համակիրների շրջանակներում:

Արտաքինը խաբուսիկ է

Իրականում Բրյուսելում տեղի ունեցած ահաբեկչական գործողությունը կապ չունի ո´չ հակասեմիտության, ո´չ էլ ահաբեկչության հետ: Երկու հիմնական զոհերը իսրայելական հատուկ ծառայության գործակալներ էին և նրանց նկատմամբ հաշվեհարդարը իրականացվել է սառնարյուն արհեստավարժի կողմից [2]:

Մեհդի Նեմմուշի ձերբակալությունը տեղի էր ունեցել սովորական ստուգման ժամանակ [3], երբ կասկածյալի ճամպրուկներից մեկը պատահմամբ բացվել էր և հայտնաբերվել ինքնաձիգի լիցքավորիչը: Սա հնարավոր, սակայն քիչ հավանական տարբերակ է:

Կասկածյալն իր բաճկոնում պահած ատրճանակը չի օգտագործել և ձերբակալության ժամանակ չի դիմադրել: Նա իր հետ տեղափոխել է մեկ կալաշնիկով, մեկ ատրճանակ, կրծքին ամրացվող մեկ տեսախցիկ և մեկ գլխարկ, որը նման էր Բրյուսելում մարդասպանի գլխարկին: Բացի այդ ոստիկանությունը նրա իրերում հայտնաբերել էր նաև Իրաքի և Լևանի իսլամական Էմիրության մի փաստաթուղթ, որը նրա մոտ գտնվելու որևէ պատճառ չպետք է ունենար և առանց վարանելու նրան բնորոշեցին որպես «ահաբեկիչ»:

Չորս օր շարունակ կալանքի տակ գտնվելով, հակաահաբեկչական օրենքի հիմքով, նա չի պատասխանել քննիչների հարցերին`վկայակոչելով «լռելու իր իրավունքը»: Ըստ նրա փաստաբանի նա սահմանափակվել էր նշելով, որ զենքերը Բրյուսելում գողացվել են ավտոմեքենայից, չեն կիրառվել Հրեական թանգարանում սպանություններում և մերժել էր իրեն Բելգիա արտահանձման որոշումը:

Ամփոփենք. մի կողմից Բրյուսելում իսրայելական լրտեսների նկատմամբ հաշվեհարդարը, մյուս կողմից «պատահմամբ» ջիհադիստի ձերբակալությունը, ով լավ պատրաստություն է անցել ոստիկանությանը չպատասխանելու համար, սակայն ունակ չի եղել ժամանակին վերացնելու հանցագործության ապացույցները: Վերջին հակասությունն այնքան մեծ է, որ բազում հարցեր է առաջ քաշում:

Եվրոպայում ջիհադիստների ուրվականը

Մինչև Նեմմուշի գործը՝ պայմանով, որ նա է եղել Բրյուսելում կրակողը, Եվրոպայում հանցագործություններ կատարելու համար Սիրիայից վերադարձած ջիհադիստների որևէ դեպք հայտնի չի եղել: Մինչդեռ, հունիսի 5-ին Եվրամիության Ներքին գործերի նախարարները հավաքվել էին այս թեմայի շուրջ հանդես գալու նպատակով:

Ոստիկանները հաշվել են 3 000 եվրոպացիների, որոնք վերջին երեք տարիների ընթացքում կարող էին վերադարձած լինել Սիրիայից՝ Հանրապետությունում պայքար մղելու համար: Սա մեծ թիվ է, բայց հավանաբար իրականից ավելի քիչ. Սիրիայի Արաբական բանակը հավաստում է, որ մարտերում մասնակցել են առնվազն 12 000-ը:

Նրանց կողմից Եվրոպայում հանցագործություններ կատարելու վտանգն իրական է, սակայն Նեմմուշի գործն այլ բանի մասին է վկայում: Այս երիտասարդը ջիհադի նպատակով Սիրիա էր մեկնել այն ժամանակ, երբ Ֆրանսիայի ներքին հակահետախուզությունը նպաստել և հեշտացրել էր նրա մեկնումը: Սիրիայում նա անդամակցել է սաուդյան թագաժառանգ Աբդուլ Ռահման ալ-Ֆեյսալի (Սաուդյան Արաբիայի Արտաքին գործերի նախարարի և Վաշինգտոնում Սաուդյան Արաբիայի դեսպանի եղբայրը) կողմից հովանավորվող, Աբու Բաքր էլ-Բաղդադի հրամանատարության ներքո գործող Իրաքի և Լևանի իսլամական էմիրությանը [4]:

Միջինից բարձր ինտելեկտ ունեցող Մեհդի Նեմմուշն ուշադրության է արժանանում իր հրահանգիչների կողմից և ընդգրկվում գաղտնի ծառայություն կազմում: Իրաքի և Լևանի իսլամական էմիրության կազմում, որը ղեկավարվում է ԱՄՆ, Ֆրանսիայի և Սաուդյան Արաբիայի սպաների կողմից, Նեմմուշը դառնում է նրանց բոլորի գործակալը: Եթե նա Բրյուսելում սպանել է իսրայելցի երկու «գործընկերներին», ապա դա տեղի է ունեցել այս երեք երկրներից մեկի հրահանգով:

Սաուդյան մամուլն ընդգծեց, որ իսրայելցի զոհերից մեկը ներքաշված է եղել Դամասկոսում 2008 թվականին Հեզբոլլահի ռազմական ղեկավար Imad Moughniyeh-ի սպանության մեջ՝ այսպիսով ակնարկելով լիբանանյան Դիմադրության վրեժխնդրության մասին: Սա անհեթեթություն է, Իրաքի և Լևանի իսլամական էմիրությունը Հեզբոլլահի դեմ կռվող և շիաներին պարբերաբար սպանող վահհաբիստների խմբավորում է: Բացի այդ, եթե Հեզբոլլահը ցանկանար վրեժխնդիր լինել, ապա կսպաներ հրաման տվողներին և ոչ թե կատարողներին:

Բացի այդ, գաղտնի ծառայությունների միջև սպանությունները կատարվում են կամ միևնույն մակարդակի գործակալին կտտանքների ենթարկելով, կամ ընթացող ծրագրի խափանմամբ: Որևէ հրապարակային տեղեկատվություն չկա, որը թույլ կտար այս պահին բացատրել, ով է ընտրել այս թիրախներին և ինչու:

Հրեական թանգարանի սպանդը վկայում է առավել լուրջ վտանգի մասին, քան թե պարզ ահաբեկչությունն է. ատլանտյան գաղտնի ծառայություններում ապացուցված է հանցագործների ներգրավման փաստը: Եթե այս երևույթը մեծ մասշտաբների հասնի, ապա կտեսնենք Եվրոպայում Պետության կողմից բռնության աճը, որն անշուշտ մշտապես կվերագրվի «ահաբեկիչներին»:

Բարաք Օբամայի նոր ռազմավարությունը կարող է լինել նախկին «լարվածության ռազմավարությունը»:

Թարգմանություն
Արեգ Մանասյան

Աղբյուր
Al-Watan (Սիրիա)

[1] “Remarks by Barack Obama at West Point Academy”, by Barack Obama, Voltaire Network, 28 May 2014.

[2] « Experts split on Jewish Museum killer : lone wolf or hitman ? », par Robert-Jan Bartunek, Reuters, 26 mai 2014.

[3] « Les douaniers racontent l’arrestation de Mehdi Nemmouche », BFMTV, 4 juin 2014.

[4] « L’ÉIIL est commandé par le prince Abdul Rahman », Réseau Voltaire, 3 février 2014.

Տիերի Մեյսանի

Տիերի Մեյսանի Ֆրանսիացի մտավորական, Վոլտեր ցանցի և Axis for Peace կոնֆերանսի հիմնադիր-նախագահ: Ֆրանսերեն վերջին աշխատությունը` Սարսափելի սուտ: Հատոր 2, Աճպարություններ և ապատեղեկատվություն (Հրատարակությունը Ժ.Պ.Բերտանի, 2007 թվ.)

 
Աշխարհում մեծ շրջադարձի սկիզբը
Աշխարհում մեծ շրջադարձի սկիզբը
Ռուսական ռազմավարությունն ընդդեմ անգլո-սաքսոնյան իմպերիալիզմի
 
Ցանց Վոլտեր

Վոլտեր, Միջազգային հրատարակություն

Creative Commons-ի կողմից արտոնագրված հոդվածներ

Դուք կարող եք ազատ կերպով օգտվել Վոլտեր Ցանցի հոդվածներից` սկզբնաղբյուրը նշելու, հոդվածները փոփոխությունների չենթարկելու եւ կոմերցիոն նպատակներով չօգտագործելու պայմանով: (արտոնագիր CC-BY-NC-ND)

Աջակցել Վոլտեր Ցանցին

Օգտվելով այս կայքից դուք կգտնեք բարձրորակ վերլուծություններ, որոնք կօգնեն ձեզ աշխարհի մասին ձեր պատկերացումները կազմելու հարցում: Այս կայքը կարող է գոյություն ունենալ միմիայն ձեր ֆինանսական օժանդակության շնորհիվ:
Կատարեք մեզ ձեր նվիրատվությունը

Ինչպես մասնակցել Վոլտեր Ցանցին

Ցանցի բոլոր ներկայացուցիչները կամավորներ են:
- Արհեստավարժ թարգմանիչներ: Դուք կարող եք մասնակցել հոդվածների թարգմանությանը:

Սաուդյան Արաբիայի կտրուկ շրջադարձը
Սաուդյան Արաբիայի կտրուկ շրջադարձը
ըստ Տիերի Մեյսանի, Ցանց Վոլտեր
 
Աշխարհում մեծ շրջադարձի սկիզբը
Ռուսական ռազմավարությունն ընդդեմ անգլո-սաքսոնյան իմպերիալիզմի
Աշխարհում մեծ շրջադարձի սկիզբը
ըստ Տիերի Մեյսանի, Ցանց Վոլտեր
 
Լևանում գազային պատերազմի ընդլայնումը
Լևանում գազային պատերազմի ընդլայնումը
ըստ Տիերի Մեյսանի, Ցանց Վոլտեր
 
«Քուրդիստանի» իսրայելական տարբերակը
«Քուրդիստանի» իսրայելական տարբերակը
ըստ Տիերի Մեյսանի, Ցանց Վոլտեր
 
Քուրդիստանը և Խալիֆաթը
Քուրդիստանը և Խալիֆաթը
ըստ Տիերի Մեյսանի, Ցանց Վոլտեր
 
Իրաքից հետո որն է լինելու հաջորդ թիրախը
Իրաքից հետո որն է լինելու հաջորդ թիրախը
ըստ Տիերի Մեյսանի, Ցանց Վոլտեր