Ցանց Վոլտեր

Կիևում տեղի ունեցած հեղափոխության նկատմամբ Մոսկվան պասիվ դիտորդի կարգավիճակում հանդես չի գա

Այն ժամանակ, երբ ՆԱՏՕ-ի ղեկավարները ցնծում են Կիևում տեղի ունեցած պետական հեղաշրջման առթիվ, որն արևմտյան հանրություններին ներկայացվում է որպես հեղափոխություն, Ուկրաինայում իրավիճակը շարունակում է վատթարանալ: Վաշինգտոնի և Մոսկվայի միջև սակարկություններ սկսած խարդախ կառավարության փոխարեն երկրի կառավարման ղեկն անցավ ամերիկյան գործակալների ձեռքը, որոնք էլ իրենց հերթին պետք լուծեն իրենց իսկ կողմից ստեղծած խնդիրները: Ներկայումս երկիրը կազմալուծված է և ով էլ որ գա իշխանության, չի կարողանալու արագ հաղթահարել ստեղծված իրավիճակը: Ռուսաստանն արդեն կարող է պաշտպանել իր սեփական շահերը՝ վերջ դնելով վերջին 20 տարիներին տեղի ունեցած կոռուպցիոն երևույթների նկատմամբ իր պասիվ աջակցությանը:

JPEG - 33.3 ko

Ռուսաստանը Սոչիի Օլիմպիական խաղերի ժամանակ չարձագանքեց Ուկրաինայում ընթացող իրադարձություններին [1]: Ռուսական մամուլում շարունակ նյութեր էին հրապարակվում ռուս մարզիկների նվաճումների մասին, որի ընթացքում Կիևում և մի շարք այլ շրջաններում բախումներ էին տեղի ունենում: Կրեմլում հաշվի էին առնում այն հանգամանքը, որ ցանկացած պահի Ռուսաստանի թշնամիները կարող էին ընթացող տոներն արյունահեղության վերածել:

Ինչպես վաղօրոք նախատեսված էր, Կիևում իշխանությունը զավթեցին այն ժամանակ, երբ տեղի էր ունենում Օլիմպիական խաղերի փակման արարողությունը: Արևմուտքում, մեծամասամբ ապատեղեկացված հանրությունների մոտ, տպավորություն է ստեղծվել, որ տեղի է ունեցել պրո-եվրոպական հեղափոխություն: Մինչդեռ ԱՄՆ պետքարտուղարի օգնական Վիկտորիա Նուլանդի և Կիևում ԱՄՆ դեսպան Ջեֆֆրի Պայետի հեռախոսազրույցի հրապարակումը ամերիկյան դավադրության մասին որևէ կասկած չի հարուցում [2]: Խեղաթյուրելով իրական փաստերը, նրանք թալանչիներից և կոռումպացված պաշտոնյաներից բաղկացած կառավարությանը [3] ներկայացնում էին որպես ռուսների կողմից սատարվող, դահիճներից կազմված ավազակախմբի [4]: Ինչպես բոլոր «գունավոր հեղափոխություններում» է տեղի ունենում, այստեղ էլ դիպուկահարները տանիքներից միառժամանակ կրակել են թե´ ամբոխի, թե´ ոստիկանության վրա և այս ամենի ողջ պատասխանատվությունը բարդվել է կառավարության վրա: Խառնաշփոթության մեջ, արևմտյան հասարակություններում տպավորություն էր ստեղծվել, որ «ժողովուրդը» գրավել է պետական հաստատությունները: Իրականում, երբ մեծամասամբ նացիստ ակտիվիստները միջազգային հեռուստատեսությունների ուղիղ եթերում մարտնչում էին Մայդանում, այդ ընթացքում քաղաքական գործիչներն, քաղաքի այլ մասերում, աննկատորեն զավթում էին պետական հաստատությունները: Այս տեսանկյունից եվրոպացիներն իրավացի են, որ նացիստներն իշխանությունը չեն զավթել:

Ուկրաինացի նացիստները որևէ առնչություն չունեն Արևմտյան Եվրոպայի ծայրահեղ-աջակողմյան ուժերի հետ, որոնք որպես կանոն բացահայտ սիոնիստներ են (բացառությամբ ֆրանսիական Ազգային ճակատի): Սառը պատերազմի տարիներին սովետական տնտեսությունը քայքայելու նպատակով նրանց ներառել էին ՆԱՏՕ-ի stay-behind ցանցերում, որոնք այնուհետև անցան Լեհաստանի [5] և Լիտվայի ենթակայության տակ: Երեք ամիս տևած ցույցերի ընթացքում նրանց միացան նաև թաթար ծայրահեղականները, որոնք հատուկ միտինգներին մասնակցելու համար վերադարձել էին Սիրիայից, որտեղ նրանք ջիհադ էին իրականացնում [6]: Ղրիմի թաթարները, որոնք Երկրորդ աշխարհամարտի տարիներին նացիստներին աջակցելու համար Ստալինի կողմից վերաբնակեցման էին ենթարկվել, այժմ հիմնականում բնակվում են Ուկրաինայում և թուրքիայում: Մայդանում նրանք ցուցադրեցին Սիրիայում ձեռք բերած ունակությունները՝ ոստիկանների աչքեր հանելով և նրանց հաշմանդամ դարձնելով [7]:

Մայդանի հեղափոխությունը քողարկում է տեղի ունեցած դասական հեղափոխությունը [8]: Միացյալ Նահանգների «դիվանագետների» ներկայությամբ Ռադան խախտեց Սահմանադրությունը և առանց հանրաքվեի դնելու՝ այն չեղյալ հայտարարեց: Առանց հետաքննության և դատական գործընթացի՝ գործող Նախագահը պաշտոնանկ արվեց և օրենսդիր ու գործադիր իշխանությունը վստահվեց գաղտնի ծառայությունների նախկին ղեկավար Ալեքսանդր Տուրչինովին:

Նորաթուխ դիկտատորը Վարչապետի պաշտոնում նշանակեց Արսենի Յացենյուկին, իսկ այդ փաստն, ինչպես մի հրաշք, համապատասխանում է նախկինում Վիկտորիա Նուլանդի կողմից արտահայտված ցանկությանը: Նոր վարչապետն իր հերթին կառավարություն ձևավորեց, որի կազմը ներկայացվեց Մայդանում հավաքված ցուցարարներին: Կառավարության կազմը, որն ավելի բազմանդամ է և նացիստներն էլ կազմում են գրեթե 1/3 մասը, արժանացավ ցուցարարների սուլոցներին, քանի-որ նրանց մեծամասնությունը հրեաներ են:

Ղրիմում, որտեղ բնակչության մեծամասնությունը ռուսներ են և ուր տեղակայված է ռուսական նավատորմը, շրջանային Խորհրդարանը, նույնպես առաջնորդվելով «հեղափոխական պոռթկմամբ», ցրեց Կիևին հավատարիմ տեղական կառավարությունը և նշանակեց ռուսական կողմնորոշում ունեցող սեփական կառավարություն: Միաժամանակ զինվորականները գրավեցին պետական հաստատություններն ու օդանավակայանը՝ նախապես կանխելով Կիևի նոր կառավարության կողմից ուժեր ուղարկելը:

Կիևում Ռադան դեմ արտահայտվեց ռուսական միջամտությանը և կոչ արեց հարգել Բուդապեշտյան Հուշագրի դրույթները: 1994 թվականին ԱՄՆ-ը, Միացյալ Թագավորությունը և Ռուսաստանը համաձայնագիր ստորագրեցին Ուկրաինայի՝ միջուկային զենքից հրաժարվելու վերաբերյալ [9]: Սակայն, ըստ Մոսկվայի, 2004 թվականի «նարնջագույն հեղափոխությունից», առավել ևս անցած շաբաթ կատարված պետական հեղաշրջումից հետո, Վաշինգտոնի ու Լոնդոնի կողմից խախտվել են Հուշագրի դրույթները և այն այլևս չի գործում [10]:

Ինչ կարող է այժմ տեղի ունենալ: Մայիսի 25-ին Բրյուսելում նախատեսված են խորհրդարանական ընտրություններ, Կիևում կանցկացվեն նախագահական ընտրություններ, իսկ Ղրիմում տեղի կունենա ինքնորոշման հանրաքվե: Ղրիմի անկախացման դեպքում, որն ի դեպ մինչև 1954 թվականը Ռուսաստանի մաս էր կազմում, հնարավոր է հետագայում այն վերամիավորվի Ռուսաստանին: ԵՄ իր հերթին պետք է բավարարի իր նկատմամբ տածած բոլոր հույսերը և չգիտես թե ինչպես պետք է վճարի 35 մլրդ դոլարի հասնող ուկրաինական պարտքը: Մայդանում հավաքված նացիստներն էլ ընդհատակ չեն անցնելու, այլ ընդհակառակը պահանջելու են իրենց մասնաբաժինը կառավարությունում:

Սակայն պատմությունն այսքանով չի ավարտվելու, քանզի Կրեմլի համար խնդիրներ կան Ուկրաինայի արևելյան շրջաններում (որտեղ բնակվում են ռուսներ և գտնվում է պաշտպանության արդյունաբերությունը) և Մերձդնեստրում (նախկինում Բեսարաբիան, որն էլ մի ժամանակ սովետական հրթիռաշինության ուսումնասիրությունների կենտոն էր համարվում): Ռուս բնակչությամբ այս փոքրիկ պետությունը, որն աշխարհի որևէ քարտեզի վրա նշված չէ, իր անկախությունը ձեռք է բերել ԽՍՀՄ փլուզումից հետո, սակայն ընկալվում է որպես Մոլդովայի մաս: 1992 թվականին [11] երկրին հաջողվեց խիզախորեն դիմակայել Մոլդովայի կողմից սանձազերծած պատերզմին, ռումինական ավիացիային և ՆԱՏՕ-ի խորհրդականներին: Հաջողվեց նաև պահպանել սովետական սոցիալական մոդելը՝ միաժամանակ լիովին հաստատելով ժողովրդավարական հաստատություններ: Երկրի անվտանգությունը վստահված է ռուսական «խաղաղապահ ուժերին» [12]: Ամենաքիչը, ուկրաինական 20 կմ² տարածք կարող է ոտքի կանգնել և միանալ Մերձդնեստրին՝ դեպի Սև ծով ելք ապահովելու նպատակով, որի արդյունքում Ուկրաինան կկտրվի իր արևմտյան հովանավորից: Ավելի լավ կլիներ Ղրիմը միացնել Մերձդնեստրին, որի համար կպահանջվեր մի քանի 100 կմ² առաձնյա տարածք՝ ներառյալ Օդեսա քաղաքը:

Խռովություններն Ուկրաինայում դեռևս կշարունակվեն, որի ողջ պատասխանատվությունը պետք է կրեն ԱՄՆ և ԵՄ: Եթե անգամ ողջ ֆինանսական բեռն իրենց վրա փորձեն վերցնել, հարց է ծագում, թե ինչպես են կառավարելու իրենց նացիստ և ջիհադիստ դաշնակիցներին: Վաշինգտոնի ուժի ցուցադրումը կարող է վերաճել լիակատար ֆիասկոյի [13]:

Թարգմանություն
Արեգ Մանասյան

Աղբյուր
Al-Watan (Սիրիա)

[1] “Հարավսլավիայից հետո Ուկրաինա±ն”, par Տիերի Մեյսանի, Արեգ Մանասյան , Ցանց Վոլտեր, 8 février 2014.

[2] « Conversation entre l’assistante du secrétaire d’État et l’ambassadeur US en Ukraine », Oriental Review,/Réseau Voltaire, 7 փետրվար 2014.

[3] « L’Ukraine brade son secteur énergétique aux Occidentaux », par Ivan Lizan, Traduction Louis-Benoît Greffe, Однако/Réseau Voltaire, 2 մարտ 2013.

[4] “Կեղծ նկարներ Ուկրաինայում”, Արեգ Մանասյան , Ցանց Վոլտեր, 11 février 2014.

[5] « La Pologne, nouvelle tête de pont d’un plan de déstabilisation de l’Otan », par Andrew Korybko, Traduction Gérard Jeannesson, Oriental Review/Réseau Voltaire, 26 փետրվար 2014.

[6] « Des jihadistes assurent le service d’ordre des manifestations à Kiev », Réseau Voltaire, 4 դեկտեմբեր 2013.

[7] « Евротвари выкололи глаз и отрубили руку пленному бойцу », YouTube, 21 փետրվար 2014.

[8] « Coup d’État pro-US en Ukraine », Réseau Voltaire, 23 փետրվար 2014.

[9] “Memorandum on Security Assurances in connection with Ukraine’s accession to the Treaty on the Non-Proliferation of Nuclear Weapons”, Voltaire Network, 5 դեկտեմբեր 1994.

[10] « Washington et Moscou se livrent bataille en Ukraine », par Emilia Nazarenko et la rédaction, « Ukraine : la rue contre le peuple », Réseau Voltaire, 1er et 29 նոյեմբեր 2004.

[11] « En 1992, les États-Unis tentèrent d’écraser militairement la Transnistrie », par Thierry Meyssan, Réseau Voltaire, 17 հուլիս 2007.

[12] « Tiraspol, base avancée de l’armée russe ? », par Arthur Lepic, Réseau Voltaire, 15 օգոստոս 2007.

[13] “Կարող է Վաշինգտոնը միանգամից երեք կառավարություններ տապալել”, par Տիերի Մեյսանի, voltaire traduction Արեգ Մանասյան , Al-Watan (Syrie), Ցանց Վոլտեր, 23 փետրվար 2014.

Տիերի Մեյսանի

Տիերի Մեյսանի Ֆրանսիացի մտավորական, Վոլտեր ցանցի և Axis for Peace կոնֆերանսի հիմնադիր-նախագահ: Ֆրանսերեն վերջին աշխատությունը` Սարսափելի սուտ: Հատոր 2, Աճպարություններ և ապատեղեկատվություն (Հրատարակությունը Ժ.Պ.Բերտանի, 2007 թվ.)

 
Աշխարհում մեծ շրջադարձի սկիզբը
Աշխարհում մեծ շրջադարձի սկիզբը
Ռուսական ռազմավարությունն ընդդեմ անգլո-սաքսոնյան իմպերիալիզմի
 
Ցանց Վոլտեր

Վոլտեր, Միջազգային հրատարակություն

Creative Commons-ի կողմից արտոնագրված հոդվածներ

Դուք կարող եք ազատ կերպով օգտվել Վոլտեր Ցանցի հոդվածներից` սկզբնաղբյուրը նշելու, հոդվածները փոփոխությունների չենթարկելու եւ կոմերցիոն նպատակներով չօգտագործելու պայմանով: (արտոնագիր CC-BY-NC-ND)

Աջակցել Վոլտեր Ցանցին

Օգտվելով այս կայքից դուք կգտնեք բարձրորակ վերլուծություններ, որոնք կօգնեն ձեզ աշխարհի մասին ձեր պատկերացումները կազմելու հարցում: Այս կայքը կարող է գոյություն ունենալ միմիայն ձեր ֆինանսական օժանդակության շնորհիվ:
Կատարեք մեզ ձեր նվիրատվությունը

Ինչպես մասնակցել Վոլտեր Ցանցին

Ցանցի բոլոր ներկայացուցիչները կամավորներ են:
- Արհեստավարժ թարգմանիչներ: Դուք կարող եք մասնակցել հոդվածների թարգմանությանը:

Սաուդյան Արաբիայի կտրուկ շրջադարձը
Սաուդյան Արաբիայի կտրուկ շրջադարձը
ըստ Տիերի Մեյսանի, Ցանց Վոլտեր
 
Աշխարհում մեծ շրջադարձի սկիզբը
Ռուսական ռազմավարությունն ընդդեմ անգլո-սաքսոնյան իմպերիալիզմի
Աշխարհում մեծ շրջադարձի սկիզբը
ըստ Տիերի Մեյսանի, Ցանց Վոլտեր
 
Լևանում գազային պատերազմի ընդլայնումը
Լևանում գազային պատերազմի ընդլայնումը
ըստ Տիերի Մեյսանի, Ցանց Վոլտեր
 
«Քուրդիստանի» իսրայելական տարբերակը
«Քուրդիստանի» իսրայելական տարբերակը
ըստ Տիերի Մեյսանի, Ցանց Վոլտեր
 
Քուրդիստանը և Խալիֆաթը
Քուրդիստանը և Խալիֆաթը
ըստ Տիերի Մեյսանի, Ցանց Վոլտեր
 
Իրաքից հետո որն է լինելու հաջորդ թիրախը
Իրաքից հետո որն է լինելու հաջորդ թիրախը
ըստ Տիերի Մեյսանի, Ցանց Վոլտեր